.jpg)
അനാഥരെ സംരക്ഷിക്കുന്നത് നല്ല കാര്യമാണ്. പക്ഷെ, അതില് ജാതിയുടെയും മതത്തിന്റെയും വേലിക്കെട്ടുകള് ആവശ്യമില്ലെന്നാണ് തോന്നുന്നത്.
ജാര്ഖണ്ഡില് നിന്നും ബീഹാറില് നിന്നും കേരളത്തിലെ ഒരു അനാഥാലയത്തിലേക്ക് കൊണ്ടുവന്ന കുട്ടികളെ കുറിച്ചുള്ള വാര്ത്തകളും അതിനെ തുടര്ന്ന് നടക്കുന്ന ചര്ച്ചകളും ഉയരുമ്പോള് ഇത്തരം പ്രവര്ത്തനങ്ങള് നിയമവിധേയമായാണ് നടത്തുന്നത് എന്ന് ഉറപ്പ് വരുത്താനുള്ള ബാധ്യത സര്ക്കാരിനുണ്ട്.
ഇപ്പോള് പരാമര്ശിക്കപ്പെടുന്ന യത്തീംഖാന നല്ല നിലയില് പ്രവര്ത്തിച്ചിരുന്നതായാണ് കേട്ടിട്ടുള്ളത്. അനാഥരെ സംരക്ഷിക്കുന്നത് ഒരിക്കലും കച്ചവട താല്പ്പര്യം മുന് നിര്ത്തി ആവരുത്.
സ്വകാര്യവും മതപരവുമായ അനാഥാലയങ്ങള് നിരവധി ഉള്ള നാടാണ് നമ്മുടേത്. സ്റ്റേറ്റ് ഓര്ഫനേജ് കണ്ട്രോള് ബോര്ഡ് സംസ്ഥാന മനുഷ്യാവകാശ കമ്മീഷന് നല്കിയ റിപ്പോര്ട്ട് അനുസരിച്ച് 1107 അനാഥാലയങ്ങള് കേരളത്തില് പ്രവര്ത്തിക്കുന്നുണ്ട്. അതില് 87 എണ്ണം നിയമവിരുദ്ധമാണെന്നും പറയുന്നു. ഈ സ്ഥാപനങ്ങളില് എത്ര കുട്ടികള് പഠിക്കുന്നുണ്ട്. അവിടേക്ക് എത്ര ഫണ്ട് വരുന്നുണ്ട്. അവിടെ പഠിപ്പിക്കുന്ന സിലബസ് എന്താണ് തുടങ്ങിയുള്ള ചോദ്യങ്ങള്ക്കുള്ള മറുപടി ഇപ്പോള് ലഭ്യമാവുന്നില്ല. കേരള സ്റ്റേറ്റ് ഓര്ഫനേജ് ആന്ഡ് അദര് ചാരിറ്റബിള് ഹോംസ് ബോര്ഡ് ഓഫ് കണ്ട്രോള് നിയമം അനുസരിച്ച് ഇത്തരം വിശദാംശങ്ങള് രേഖപ്പെടുത്തി വെക്കണം. എന്നാല്, ഇതിന് ഉത്തരവാദപ്പെട്ട സ്റ്റേറ്റ് ഓര്ഫനേജ് കണ്ട്രോള് ബോര്ഡ് അതിലൊന്നും ശ്രദ്ധിക്കുന്നില്ല.
ഇത്തരം കാര്യങ്ങളില് എന്താണ് ചെയ്യുക? എന്തൊക്കെ നടപടികള് കൈക്കൊണ്ടു എന്നൊക്കെ വ്യക്തമാക്കാനുള്ള ബാധ്യത മുഖ്യമന്ത്രി ഉമ്മന്ചാണ്ടിക്ക് ഉണ്ട്.
0 comments:
Post a Comment